Hvað er heimanet?  Ein tölva með internettengingu gegnum upphringisamband eða sítengingu telst ekki falla undir skilgreiningu á heimaneti. Heimili sem á hinn bóginn hafa eina eða fleiri tölvur tengdar saman eða tölvu og annað tæki sem ekki telst jaðartæki (prentari og myndskanni teljast til dæmis til jaðartækja) tengd saman falla hins vegar undir skilgreiningu á heimaneti. Heimanet geta hins vegar verið mjög mismunandi tæknilega séð. Ef við tökum til dæmis munin á neti með tveimur tengdum tölvum og neti þar sem tölvan, sjónvarpið, vekjaraklukkan, öryggiskerfið, ískápurinn, þvottavélin, ljósabúnaður, hitastillingar og hljómflutningstækin eru öll tengd í gegnum netið, hægt er að stýra þessum tækjum á miðlægum stað, nýta sér þjónustur sem framleiðendur eða þjónustuaðilar þessara tækja hafa uppá að bjóða, þá erum við með tvö mjög ólík heimanet tæknilega séð.
Hér að neðan verður leitast við að útskýra þau hugtök og þá staðla sem eru í gangi á þessu sviði. Skýra tæknilegu hliðina, staðlana sem gera ólíkum tækjum frá ólíkum framleiðendum kleift að tala saman. Kynnt verða dæmi um verkefni í heimanetum og fyrirtæki sem eru að starfa við þróun heimaneta. Þetta er mjög víðfemt svið, heimanet felur í sér tæknileg verkefni á mjög ólíkum sviðum; fjarskiptatækni, stjórn og stýritækni, lagnatækni, tölvu- og hugbúnaðartækni svo eitthvað sé nefnt. Markmiðið er að gefa einhverskonar heildarmynd af hugtakinu heimanet, í hverju það felst og í lokinn að gera tilraun til að gægjast inn í framtíð heimaneta. Eru heimanet framtíðin?

Hér að neðan er PDF viðhengi, það inniheldur alla greinina.