Opera

Sigurjón var að ná sér í Beta útgáfu af Opera 6.0 vafranum og ég verð að segja eins og er að Sigurjóni finnst mikið til koma.

Vafrinn er fljótur sem elding, skemmtilega hannaður og svo eru margar nýjar aðgerðir þarna inni sem eru frábærar og sýna berlega að það er vel þenkjandi fólk að vinna hjá Opera.

Viðmótið er fallegt og aðgengilegt. Maður getur náð í nokkur skinn fyrir útlitið á vafranum og jafnvel búið til sín eigin ef maður kann smá forritun. Svo ef maður er með bookmark einhvers staðar en man ekki í hvaða möppu er mjög öflugur leitargluggi fyrir bookmark hlutann.

Svo er það stæðsti kostur Operu að allir nýjir gluggar opnast inni í forritinu sjálfu, maður fær ekki fullt af Opera tökkum í Toolbar, bara einn. Þetta er reyndar nokkuð sem er hægt að stilla, það er hægt að fá glugga út um allar jarðir ef notandinn vill það. Já, og gleymum ekki zoominu. Sérstaklega þegar maður er að lesa eitthvern texta í mikilli skjáupplausn eins og hjá Sigurjóni (1600x1200 19 tommu skjár)

Helsti gallinn við Operu 6.0 er að hann styður ekki Javascript eins vel og IE og Netscape. Það er einhver stuðningur við JS, t.d einfaldar onMouseOver myndaskiptingar virka alveg og öll einföld JScript, en ekki stór kóði eins og DHTML felliglugga leiðarkerfi. Og þar sem nokkrar síður eru með stór JS í dag er þetta svolítill galli.

En Sigurjón segir bara ‘Fuck It‘. Gallarnir eru svo smávægilegir og kostirnir svo stórkostlegir að Opera er orðinn staðallinn hjá Sigurjóni núna.

En Microsoft fólkið verður sennilega mjög fljótt að stela þessum góðu hugmyndum sem Opera er að koma með núna og setja inn í IE vafrann líka.

Microsoft einokun hvað?? (kaldhæðni)
::fleebah.com